? ? ? ? 吾始終儕是迭能唻理解、認得并去認為個，就算有人是屬于一個土生土長個上海人，對于處勒覅同年齡階段個上海人個心目中，對老城隍廟（豫園）自然就會產(chǎn)生覅同個認識、感受搭情愫，吾就唻寫一寫自家所曉得個、心目中個老城隍廟（豫園）到底會是哪能個。
? ? ? ? 1998年5月下旬，大吾五歲個親大哥陸明結(jié)婚，勒婚后個第尼天阿姐瞿健玉進門探望爺娘以后，【備注：大哥個妻子按照稱謂應(yīng)該叫阿嫂，但是爺娘是迭個樣子唻認為個，要是吾喊阿嫂就多多少少顯得有一眼生分搭疏遠，況且嫂子個歲數(shù)又比吾大，規(guī)定以后吾一直叫伊阿姐就好！】吾贈送撥伊個一件小禮物就是由上?；鸩駨S同年發(fā)行個《豫園風(fēng)光火花集》，勒迭本火花集個里向，攏共選取有60處風(fēng)景點，幾乎撥所有個豫園風(fēng)景點儕囊括其中，迭些風(fēng)景點又是上海人頂頂熟悉個。當時光走到2013年9月7日，國家郵政部門還發(fā)行有豫園特種郵票，一套四枚，伊個編號就是：2013—13T，四枚郵票分別是：（4-1）湖心亭與九曲橋，面值為80分；（4-2）大假山，面值為1.20元；（4-3）卷雨樓，面值為1.20元；（4-4）玉玲瓏，面值為1.20元。除忒發(fā)行有郵票以外，還發(fā)行有首日封、原地封等各種搭豫園有關(guān)系個郵票，愛好集郵個吾，還特惠跑到郵幣卡收藏品市場去購買豫園大版票。
? ? ? ? 吾勒講老城隍廟（豫園）前頭，要先唻簡單個介紹一下伊個歷史到底又會是哪能個？！伊始建于吾伲國家歷史浪個明朝永樂年間，距今為止已經(jīng)是擁有將近六百年個歷史，伊個建筑樣式是屬于“南方大式建筑”“紅墻泥瓦”。今早仔老城隍廟（豫園）伊個內(nèi)主體建筑就是由“廟前廣場”“大殿”搭“元辰殿”……組合而成個。除此以外，勒老城隍廟（豫園）個里向還有“華寶樓”古玩商城“寧波湯團店”“南翔饅頭店”“春風(fēng)松月樓”“湖心亭茶樓”“九曲橋”搭“豫園”等各種類型個建筑，伊個地理位置又是勒啥個地方呢？！就是勒上海市黃浦區(qū)個方浜中路，伊個東面到安仁街，伊個北面連通福佑路，伊個西面到舊校場路?！緜渥ⅲ骸袄铣勤驈R（豫園）”原先則是屬于南市區(qū)管轄，勒2000年時南市拆區(qū)撥劃歸并入到黃浦區(qū)?！?/p>
? ? ? ? 勒拉老底子個辰光，勒上海迭座城市有迭能一句邪氣有名氣個閑話，迭句閑話也可以講是屬于聞名全中國個名言，講道：“凡到過上海灘個人，要是嘸沒去兜兜黃浦區(qū)南京東路步行街、逛逛南市區(qū)個老城隍廟（豫園），儂就覅能去講啥個唻過上海灘個，也就等同于儂個人從唻儕嘸沒唻到過大上海迭座城市哦！”……勒上海迭座城市里向個“南京東路步行街”搭“老城隍廟（豫園）”景點，就好比是北京個“故宮”搭“長城”、福建廈門個“鼓浪嶼”、黑龍江哈爾濱個“太陽島”……覅管儂是去出差公干，還是去某地旅游，要是就連某個省或直轄市頂有名氣個景點儕沒去看過一眼，就覅好算儂曾到過。
? ? ? ? 只要是對于上海迭座城市個方方面面有所了解個人群或個人，自然就會曉得迭能個一樁事體，迭樁事體就是－－原先勒上海南市區(qū)老城隍廟（豫園），勒老底子個辰光就已成為全國聞名個游玩景點。
? ? ? ? 覅僅是迭能唻，還依據(jù)吾查詢到個歷史資料以后，還獲知到迭能個一條歷史方面?zhèn)€信息，就勒國人還覅哪能曉得“旅游”到底是屬于啥么事個辰光，對于大江南北個國人唻講伐，儕是曉得勒上海迭座城市個里向，擁有一座交關(guān)有名氣個游覽景點，是值得去看一看個，伊個名字就是叫作“老城隍廟（豫園）”，還但凡是其他省市唻到上海個人群或個人，眼扳數(shù)是要去老城隍廟（豫園）兜一兜個，品嘗一下里向個各類小喫。每每只要是到國定假日，以及旅游季節(jié)個辰光，就會有許許多多五湖四海個游客，勒城隍廟（豫園）個里向也是人頭攢動人軋人個，就算是勒那些俗常個日腳里向，還只要是一到雙休日個辰光段里向，老城隍廟（豫園）里向照樣會人山人海人軋人個。
? ? ? ? 就連土生土長、各個年齡階層個男女老少，只要是勒心里牽記著老城隍廟（豫園），會抽空去老城隍廟白相、“軋鬧猛”、去喫喫老城隍廟（豫園）個各類中華名點小喫。還有覅少個外國政要唻到中國上海，也同樣會去兜上一圈，品嘗中華美食。比方講：英國女王伊麗莎白二世、美國前總統(tǒng)克林頓勒老城隍廟（豫園）品嘗過綠波廊個點心；2014年亞信會議期間，上海市政府就安排各個國家個第一夫人去老城隍廟（豫園）參觀，領(lǐng)略上海人個人文歷史搭中華傳統(tǒng)美食……
? ? ? 【備注：勒上段文字當中個“軋鬧猛”一詞，伊是屬于一句滬語方言閑話，伊要表達個意思就是講：愛湊熱鬧、愛圍觀管閑事?！?/p>
? ? ? ? 勒吾個內(nèi)心深處始終儕存有迭能一個觀點個，實際浪向唻講伐，上海老城隍廟（豫園）多多少少是有一眼眼勒“欺騙”全國人民，全國人民“亦是撥受騙上當”。但凡是名字叫做“城隍廟”或“老城隍廟”個地方，既并覅是上海獨此一家別無分號個，也覅是發(fā)源地。勒中華民族個文化當中，“城隍廟”或“老城隍廟”是屬于一種道教文化，道教可以講是中國個國教，其他類別個宗教儕屬于舶唻品，正因為道教是中國個國教，因此勒每個省搭直轄市個歷史長河當中，曾經(jīng)儕建造有大大小小、覅同樣式搭規(guī)格個“城隍廟”或“老城隍廟”，保留到今早個辰光，全國稍稍有一眼名氣個城隍廟，還擁有五六十座之多哩。比方講：就勒“陜西西安都城隍廟”，留存到今早仔已經(jīng)經(jīng)歷620多年個歷史；還勒“北京市城隍廟”，伊又撥叫作“居庸關(guān)城隍廟”，留存到今早仔已經(jīng)擁有650多年個歷史；更勒“廣東省廣州市都城隍廟”，留存到今早仔已經(jīng)擁有630多年個歷史……名氣“乓乓響”全國人民儕曉得，很有可能還要數(shù)上海老城隍廟（豫園）。
? ? ? ? 吾是一個土生土長個上海人，出生于20世紀70年代后期，撥大家稱之為“70”后。7歲到16歲個辰光，居住勒浦東地區(qū)緊靠東海岸之濱、擁有800多年歷史搭“營造之鄉(xiāng)”美譽名叫“高橋”個古鎮(zhèn)浪，迭座古鎮(zhèn)勒老里八早就是屬于由川沙縣唻管轄個，當時光走到1992年10月11日，國務(wù)院批復(fù)，上海市川沙縣撤縣設(shè)區(qū)，1993年1月，浦東新區(qū)正式成立（黨工委搭管委會），伊就撥劃歸為浦東新區(qū)管轄。
? ? ? ? 勒吾個小辰光（孩童到青少年時期），搭同齡人相比較而言，覅是一個頂好、頂聰明個人，多多少少顯得有一眼眼愚笨。生怕吾拎不清爽搞覅清爽，爺娘就一直勒講：“‘老城隍廟’就是‘豫園’，‘豫園’就是‘老城隍廟’，‘老城隍廟’搭‘豫園’迭兩組詞語，既可以分開唻講，也可以放勒一道去講講個！”等自家長大以后，查閱與之相關(guān)個歷史資料以后，儕明白并曉得，實際浪向“老城隍廟”搭“豫園”是兩處地方（景點），“老城隍廟”里向又包含著“豫園”。
? ? ? ? 上海有一條黃浦江，伊個全長大約有113公里，河道個寬度是勒300米至770米之間，因此講黃浦江是“劃江而治”個。勒黃浦江個東面，就撥稱之為浦東，勒黃浦江個西面，就撥稱之為浦西。吾還能清爽個記得至少是勒1994年前頭，絕大多數(shù)住勒浦東地區(qū)個市民，無論是去浦西白相，還是到浦西去上班討生活，唻往于黃浦江兩岸，主要依靠個還是“擺渡船”，就勒掰時還嘸沒各種越江隧道搭跨江大橋。每當一到冬季碰著迷霧天氣，擺渡船還要停航，覅管是浦西人，還是浦東人，往返于浦東搭浦西之間，覅是邪氣容易個一樁事體哩！
? ? ? ? 勒吾7歲到16歲個年紀，只要是擁有機會爺娘就會帶領(lǐng)吾去浦西白相個，盡管去浦西白相一趟覅是邪氣容易個一樁事體，畀過每年至少要去六七趟，所白相個地方就有四塊地方。第一塊地方是浦西虹口東漢陽路浪大姨媽倪榴娣個屋里搭四川北路；第尼塊地方是浦西外灘；第三塊地方是南京東路步行街；第四塊地方是原南市區(qū)老城隍廟（豫園）。像迭四塊地方，到老城隍廟（豫園）白相還是蠻多個。每趟去總覺著迭是交關(guān)幸福個一樁事體，又假使講有老長辰光嘸沒去過，自然會向爺娘央求道：“上海去伐（不），到上海去伐（不）！”……
? ? ? ? 吾還要想講個閑話到底又會得是啥么事？！迭個就是－－還是勒拉掰搿辰光段里向，吾搭爺娘為啥事體每年到老城隍廟（豫園）去白相個趟數(shù)，就會唻得稍許多那么一眼眼呢？！儕是因為勒拉掰搿辰光，還覅哪能流行旅游個，也同樣是嘸沒旅游迭能個一種講法哦，上海老百姓曉得“旅游”迭個詞眼，頂早也是要從1993年、1994年以后儕開始個，還因為去老城隍廟（豫園）白相就可以去“孵”一整天，喫喝玩樂可以儕是勒里向解決個，覅像到其他地方去白相，總歸有一眼眼個欠缺，是覅能夠保證“喫喝玩樂”一道解決忒個，喫喝玩樂就是要分開唻去尋找個，要是要分開唻去尋找個閑話，多多少少是有一眼眼個麻煩哦，那倒還覅如去老城隍廟（豫園）白相唻得好，可以省去許多麻煩，少花一眼心思。還有一個主要原因就是：去老城隍廟（豫園）白相，對于工薪階層唻講，相對而言還是屬于蠻便宜經(jīng)濟實惠個?！緜渥ⅲ旱挝淖之斨小胺酢眰€意思就是講：可以待勒里向一整天?！?/p>
? ? ? ? 當吾還居住勒浦東地區(qū)頂東端高橋古鎮(zhèn)浪個辰光，對于上海市個交通唻講就是屬于并覅是邪氣發(fā)達搭快速便捷個，浦東地區(qū)個人去浦西白相一趟并覅是屬于交關(guān)容易個一樁事體哩。勒掰時高橋古鎮(zhèn)只有一部81路公交車是沿著黃浦江邊往浦西方向開個，伊個終點站是陸家嘴輪渡站，從終點站到碼頭還要走十分鐘左右個路程，今早陸家嘴是金融貿(mào)易區(qū)，勒想當年還只撥過是浦東頂頂繁忙個碼頭以外，其他啥么事也是嘸沒個，伊頂頂高個一天記錄，運輸唻往于浦西搭浦東個乘客達到過100多萬人次，而且還是一天到夜24個鐘頭覅停歇個。
? ? ? ? 勒上海還嘸沒越江隧道搭跨江大橋個日腳里向，對浦東地區(qū)個老百姓唻講，基本浪向每趟所行走個路線儕是迭能樣子，去老城隍廟（豫園）白相個閑話，就要先乘81路公交車到陸家嘴，只為能夠快一眼，勒掰時81路公交車是有大站車個，吾伲勒絕大多數(shù)個辰光，就是乘81路大站車去陸家嘴，再轉(zhuǎn)乘陸金線擺渡船到浦西，對面就是金陵東路輪渡站，走出金陵東路碼頭以后，也只能是步行去老城隍廟（豫園），先是從金陵東路走路到東門路，再從東門路走路到人民路方浜中路個交叉路口，等到走到人民路方浜中路交叉路口時，自然就是無限個接近老城隍廟（豫園），迭個辰光頂起碼也要去行走20分鐘到半個鐘頭左右。就勒拉掰搿辰光，從自家屋里向到老城隍廟（豫園）去白相一趟個閑話，單趟行程要是勒交關(guān)順利個情況，頂起碼也要花費1個鐘頭50分鐘左右，慢一眼個話就要花費兩個鐘頭10分左右。偶爾勒某些辰光段個里向，吾搭爺娘還會乘東東線擺渡船去老城隍廟（豫園），勒浦東地區(qū)是屬于東昌路輪渡站，對面浦西就是東門路輪渡站。
? ? ? ? 老城隍廟（豫園）是要區(qū)分前門搭后門個，就勒吾7歲到16歲個辰光，每趟去老城隍廟（豫園）白相，基本浪向儕是從人民路方浜中路進去個，從唻嘸沒走過河南南路福佑路，所以始終固執(zhí)個去認為人民路方浜中路是伊個前門，其他進口通通儕覅是伊個前門，只能算是伊個后門，后唻走過河南南路福佑路以后，又聽到對老城隍廟（豫園）歷史邪氣熟悉個友人介紹，方儕曉得以前是撥自家弄錯，河南南路福佑路儕是老城隍廟（豫園）前門，以前行走個路線是伊個后門。
? ? ? ? 依舊還是勒掰搿辰光段個里向，那些男小囡們搭女小囡們也同樣歡喜去老城隍廟（豫園）白相個，只要是有去白相就是屬于邪氣開心個一樁事體，頂主要個一個原因到底會是啥么事？！勒吾看唻，頂大個一個原因就是勒老城隍廟（豫園），還有迭能個一個稱謂，迭個稱謂就是屬于“小商品個世界”，勒里向有各式各樣個兒童玩具，勒掰時個老城隍廟（豫園），就如同今早仔個義烏商貿(mào)城，撥過，伊個規(guī)模嘸沒今早仔個義烏商貿(mào)城唻得多、唻得大。勒20世紀80年代至90年代個辰光，所流行個適合小囡們?nèi)グ紫鄠€各種玩具，儕是可以勒老城隍廟（豫園）里向?qū)ふ业弥鴤€，勒里向還擁有許許多多買賣玩具個店鋪，還會去展（演）示各種玩具以及玩法哦，比方講：就有馬鐵口做個各類小汽車、兒童氣槍、上發(fā)條個跳蛙、上發(fā)條能飛翔個鴿子……
? ? ? ? 儂還覅講，勒掰時個辰光吾還親眼看到迭能個一類事體，迭樁事體就是－－有覅少個男小囡們搭女小囡們，吵嚷著要買自家邪氣歡喜個各種類型個玩具，還要是講家長或（外）祖輩始終覅肯撥自家個小囡買個閑話，就會一直哭鬧覅停，喉嚨始終儕是“乓乓響”個，還會做出“消地光”躺勒地浪左右翻騰覅肯爬起唻，一直要等到買好以后，儕破涕為笑爬起唻開開心心個走，就有一些邪氣刁鉆個男小囡們搭女小囡們，只是去買一樣玩具唻白相個閑話，絕對是覅唻三個，頂起碼也要有購買過兩樣玩具以后儕肯罷休個，迭還覅算啥個，有些小囡就希望玩具購買得越多越好?！緜渥ⅲ骸跋毓狻钡鼈€詞眼是上海崇明地區(qū)、江蘇啟東地區(qū)、江蘇蘇北等各個地區(qū)個方言俚語詞語，伊個意思通常就是指有人長辰光個躺勒地浪耍賴、覅停個打滾覅肯起唻。】
? ? ? ? 吾個家庭因為經(jīng)濟并覅是交關(guān)好個，只能是眼饞看看罷了，爺娘頂多覅會走動，讓多看一些辰光罷了。爺娘還曾經(jīng)對吾講過迭能一句滬語方言，曰：“儂從生唻到學(xué)齡前，基本浪向儕是由外公倪根生外婆張榴妹以及大舅舅倪榴發(fā)帶領(lǐng)大個，在此期間只要是有空，吾伲也會帶比儂大五歲個親阿哥陸明去老城隍廟（豫園）白相，看到玩具也會得眼饞，心里想也想要去買，但是伊心里向也曉得屋里向經(jīng)濟條件是屬于邪氣推扳買覅起，也頂多要求讓伊多看半個鐘頭！”……
? ? ? ? 上頭一段個滬語方言講個到底是啥么事？！頂主要就是講，吾還有一位大吾五歲個親阿哥陸明，勒伊少年個辰光，吾個爺娘也同樣會帶領(lǐng)伊去原先個老城隍廟（豫園）白相個，勒伊個小辰光（少年時期）也是歡喜各式各樣個玩具，因為深知自家屋里向經(jīng)濟條件并覅是邪氣好，也是買覅起各式各樣個玩具，頂多只能是看看解眼饞罷了。
? ? ? ? 上海市黃浦區(qū)個“南京東路步行街”搭原先南市區(qū)個“老城隍廟（豫園）”，像迭兩塊地方吾儕去白相過個，也儕是由爺娘帶領(lǐng)吾去白相相個，覅僅是迭能，吾還曾經(jīng)儕有去拍攝過照片留過影個。
? ? ? ? 要是撥“南京東路步行街”搭“老城隍廟（豫園）”，迭兩塊地方相互之間儕拿唻做一個對比搭比較個閑話，等到吾實足走過弱冠之年以后，自家始終儕是迭能唻理解、認得并去認為個，對于黃浦區(qū)個“南京東路步行街”唻講，就是屬于“陽春白雪”一類個，原先南市區(qū)個“老城隍廟（豫園）”唻講，則屬于“下里巴人”一類個。覅管是身處勒哪一個年代個里向，儕是屬于迭能樣子個，就連那些老一輩個上海人唻講伐，也同樣會搭吾是感同身受、擁有相同個觀點。
? ? ? ? 勒黃浦區(qū)南京東路步行街浪，勒吾伲國家個中華民國時期，就已經(jīng)擁有四大公司，伊拉分別就是：先施、永安、新新搭大新，迭些公司長久以唻就是屬于高大上一類個，勒交關(guān)長個一段辰光里向，多數(shù)就是那些白領(lǐng)去白相消費買賣商品個地方，只有某些需要撐一個門面?zhèn)€人家，勒偶爾個辰光儕會去南京東路步行街買一兩套勒邪氣重要個場合儕去穿個“出客行頭”。然而，老城隍廟（豫園）是屬于“日用小百貨世界”“各類小商品世界”搭“喫貨世界”，是交關(guān)接地氣個。勒老城隍廟（豫園）曾經(jīng)還流行過一句滬語方言口號哩，講道：“只有儂自家想覅到，嘸沒做覅到個！”反正是普通老百姓勒俗常生活當中所需要個各式各樣個商品，勒里向可以講是應(yīng)有盡有個，儕是可以去買到個。勒廿年前頭，由于吾個阿奶王妙心年齡邪氣大，歲數(shù)已經(jīng)達到70多歲，每天跑到小菜場買小菜，有一眼覅大方便，還感覺到有眼喫力力覅從心，需要一輛買小菜專用個小推車，家父陸吉良特惠到老城隍廟（豫園）幫阿奶去購買過一輛專門用唻買菜個小推車。
? ? ? ? 吾勒上段文字當中所提及個“出客行頭”，就是屬于一句老上海方言俚語閑話哦，伊個意思就是講需要外出會客時所穿個衣裳。
? ? ? ? 吾還要想講個閑話就是，老城隍廟（豫園）是屬于喫貨個世界，就覅能覅去講一講老城黃廟（豫園）里向個、各式各樣個小喫搭飯店哩，勒里向個小喫真?zhèn)€可以講是交關(guān)豐盛數(shù)不勝數(shù)個，走進去以后簡直讓人“目不暇接口水直流”，各式各樣個小喫搭各式各樣個點心就有：“單檔湯”“雙檔湯”、南翔小籠、蟹粉小籠包、開洋蔥油拌面、排骨年糕、薺菜餛飩、重油煎餛飩、鍋貼、生煎、春卷、寧波湯團、酒釀圓子、雞鴨血湯、魚丸湯、咖喱牛肉湯、油豆腐粉絲湯、發(fā)財魚圓湯、三絲春卷、蟹殼黃、大肉粽、金腿小粽子、油條、豆?jié){、粢飯糕、蘿卜絲酥餅、金腿蘿卜絲酥餅、三絲眉毛酥、棗泥酥、發(fā)財元寶酥、果仁梅花酥、蝴蝶酥、叉燒包、素菜包、鴿蛋圓子、面筋百頁、面筋塞肉、肉粽、大排面、芹香蒸餅、鳳尾燒賣、凈素菜包、冠頂餃（形狀帽子）、蟹黃灌湯包、蟹殼黃、蛋黃印糕、鮮肉月餅……要是讓吾繼續(xù)舉例各式各樣個小喫搭點心，還可以排列舉出長長個一長串哩！據(jù)查詢到資料顯示，今早老城隍廟（豫園）南北小喫達500種。
? ? ? ? 吾為啥事體要去舉例各式各樣個小喫搭點心呢？！儕因為吾勒前頭個文字講到過個，勒吾7歲到16歲個辰光是居住勒高橋古鎮(zhèn)上頭個，國家雖然從1978年就已經(jīng)開始搞起改革開放，還因為勒掰搿辰光段個里向，國家搭老百姓還儕是身處勒計劃經(jīng)濟時期個里向，買賣各式各樣個商品、喫喫各式各樣個小喫搭點心，只要是面粉做個，還需要銅鈿、糧票搭各種票證，絕對是缺一覅可個。雖講勒吾掰時所居住個古鎮(zhèn)浪向是擁有兩三家飯店，名字叫做“德興館”“西街飯店”搭“長興館”，就是嘸沒一爿點心店個，是買覅到早飯搭各式各樣個小喫攤點，基本浪向古鎮(zhèn)里向個每戶人家儕是自家動手去做早飯。據(jù)曾經(jīng)一起共事過個同事陳建敏老師傅講，浦東地區(qū)要去喫各式各樣個早飯小喫點心，還要是沿著黃浦江邊唻計算個閑話，頂近個地方也只有勒原先高廟（慶寧寺），即今早仔浦東大道金橋路，儕可以去喫到，儕有購買“包腳（角）布”、咸（甜）豆腐漿搭“粢飯糕（團）”……
? ? ? ? 至今還能夠清爽個記得，掰時吾搭爺娘去老城隍廟（豫園）白相相，雖講爺娘是屬于普通個雙職工，銅鈿賺得覅是邪氣多，上飯店去喫飯根本是覅可能個，想也覅要去想，但是去老城隍廟（豫園）喫各式各樣個小喫搭點心，經(jīng)濟條件還是允許個。當年只要是去老城隍廟（豫園）白相，喫得頂多個品種是如下七種小喫，分別是：生煎、鍋貼、小籠包、大排面、雞鴨血湯、咖喱牛肉湯搭油豆腐粉絲湯。
? ? ? ? 老城隍廟（豫園）里面儕攏共只擁有三家飯店，伊拉分別就是：上海老飯店、綠波廊酒樓搭春風(fēng)松月樓素菜館，吾去老城隍廟（豫園）飯店里向喫飯，只是去其中兩家飯店有喫過飯，分別是上海老飯店搭綠波廊酒樓，是從2003年以后儕開始去個，就算到今早仔，也攏共只有去喫過四五趟，而且五趟還是搭大學(xué)本科好友們一道去喫個！
? ? ? ? 第一趟去個是上海老飯店，是因為讀大學(xué)?？茣r結(jié)交到好友楊家（日為），【備注：讀本科時也搭伊成為同校同學(xué)同一個班級?！恳羵€尼子考進理想中個醫(yī)科大學(xué)，還特惠宴請同為大學(xué)專科好友張迎平，以及勒讀大學(xué)本科期間結(jié)交到個一幫好友?！吧虾＠巷埖辍笔紕?chuàng)于清光緒元年，即：公元1875年，最初個名字叫作“榮順館”，伊個地理位置勒“海上明園”豫園旅游區(qū)內(nèi)，有“品味源頭上海菜，駐足百年老飯店”之美譽。最初個地址是勒舊校場路上頭，至1965年時搬遷到福佑路老城隍廟西側(cè)，飯店邪氣有名氣個菜肴就有：紅燒肉、油爆河蝦、蝦子大烏參、水晶蝦仁、松鼠鱖魚、八寶辣醬、紅燒鮰魚等等。
? ? ? ? 后頭個三到四趟是搭大學(xué)本科好友聚會喫年夜飯，是到九曲橋畔綠波浪酒樓喫個，“綠波廊”原先只撥過是明朝嘉靖三十八年豫園西園個一座樓閣，伊開業(yè)于明朝嘉靖年間，地理位置一直就是勒老城隍廟（豫園）九曲橋畔，從唻就嘸沒搬遷過，原唻伊個名字叫作“樂圃閬茶樓”。當時光腳步走到1979年時，改名為“綠波廊餐廳”，迭家飯店特色主要是以經(jīng)營上海本幫菜肴、海派菜色搭蘇州風(fēng)味個菜點。頂頂主要個各類名菜名點就是有“扇形甩水”“生爆鱔背”“蟹粉豆腐”“蘿卜絲酥餅”“三司眉毛酥”“桂花拉糕”……好友之間每年總歸會有好幾趟聚會，吾伲還相約以后還要安排到綠波浪酒樓。
? ? ? ? 吾搭大學(xué)本科一幫好友從2003年開始相交，走到今早仔，已經(jīng)擁有第16個年頭，為啥事體吾伲會去選擇到老城皇廟（豫園）聚會白相、聚餐喫年夜飯呢？！只因為迭些友人搭吾同樣是迭能唻認為個，也擁有相同個感受，去老城隍廟（豫園）就可以孵一整天，等喫好中飯以后，還可以勒里向逛逛白相，外加交通也是屬于交關(guān)方便便利！
? ? ? ? 吾就算是計算到今早仔個閑話，覅管自家去老城隍廟（豫園）白相個趟數(shù)有多少回，每趟去老城隍廟（豫園）白相個辰光，“九曲橋”吾也眼扳數(shù)是要去兜上一圈個，要是自加個興趣唻得邪氣高漲個閑話，則是很有可能還要唻回去兜上好幾圈，既是因為伊身處勒老城隍廟（豫園）個中心地帶（位置）浪，還是因為迭座橋是屬于匯通景園36個景點之一，顧名思義就是勒講迭座橋撥分割成為九曲，而且還是曲折迂回個。就勒中國傳統(tǒng)文化當中，“九”是數(shù)字當中頂大個單數(shù)。
? ? ? ? 勒吾伲國家個古代文化當中，也同樣是擁有“九九歸一”搭“九五之尊”迭能個一種講法哩，古人也是迭能唻理解、認得并去認為個，迭個數(shù)字“九”，伊既充滿著“吉祥”搭“尊貴”個兩層意思勒里向；伊還是屬于一個“邪氣吉祥搭交關(guān)有利個好數(shù)字”；伊更是屬于一種總結(jié)性搭概括性講法；九曲橋個全長就有18米，伊個寬度則是達到2米，整座橋個橋面儕是由“花崗巖”搭“草白玉”構(gòu)建而成個，除忒吾勒前頭所講個以外，就勒橋面?zhèn)€下頭還是一個大放生池，勒放生池個里向，還飼養(yǎng)有各式各樣個金金魚，還會有覅少個游客們，去購買一些適合金金魚喫個食物喂撥金金魚喫，勒橋個兩旁還擁有廊亭個，勒廊亭個兩旁還擁有石桌石凳。整座橋從整體上唻講伐，還可以用20個字唻好好較去形容伊個，迭廿個字分別指個就是－－“雕刻精美”“構(gòu)思巧妙”“匠心獨運”搭“巧奪天工”。根據(jù)相關(guān)個歷史專家們經(jīng)過嚴謹個考證以后，還講過九曲橋還擁有兩絕哦，每年只要到中秋佳節(jié)以后，還能夠擁有“九曲印月”搭“曲橋泛鯉”之奇景。還讓吾查閱到一條有關(guān)于“九曲橋”個信息，迭個就是：就連著名學(xué)者祝陽先生也對九曲橋贊譽有加，也寫有一首詩，講道：“瑤臺失落鳳頭釵，九曲臥水映碧苔；待看中秋明月夜，九曲橋孔照影來?！?/p>
? ? ? ? 雖講一直有去老城隍廟（豫園）白相，也去兜過N次九曲橋，就是沒去過九曲橋旁邊個豫園景點，一直要到1990年8月26日禮拜天儕去豫園景點白相，掰時花費15塊銅鈿買三張門票?！緜渥ⅲ宏r國家執(zhí)行單休日政策，只休息禮拜天?！坷盏鼈€前頭從唻沒去過，又是啥個原因呢？！主要原因有其二。第一個原因是：勒老城隍廟（豫園）里向，只有豫園景點是要收門票，其他地方覅收門票。第尼個原因是：因為吾家是雙職工家庭，爺娘收入覅是邪氣多，爺娘又是交關(guān)做人家，覅舍得去花銅鈿，后末唻很有可能是家父想穿，所以就去白相。家母還打趣講：“儂老爸‘一直是一只鐵公雞一毛不拔’，今早太陽從西邊出唻，也肯去拔一根毛！”……吾又為啥對于迭個日腳會記得迭能清爽呢？！只因家父陸吉良愛好攝影，勒豫園里向幫吾搭家母倪榴珍拍攝十幾張照片，照片印出唻以后，并且還記錄下拍攝個日腳！
? ? ? ? “豫園”原先是明代一座私人園林，最初園主人是四川布政使潘允端，伊就是從（明嘉靖己未年）起（即公元1599年），勒潘家住宅世春堂西面?zhèn)€幾畦菜田浪建造起園林。經(jīng)過廿多年苦心經(jīng)營，建成豫園。伊之所以會得取名“豫園”迭兩個字，儕是伊認為，“豫”字擁有“平安”搭“安泰”個意思，還擁有“豫悅老親”個意思。豫園就勒掰時占地達到70余畝，由明代造園名家張南陽設(shè)計，并親自參與施工。古人還稱贊豫園是“奇秀甲于東南”搭“東南名園冠”……
? ? ? ? 吾還記得就勒讀小學(xué)兩三年級個辰光，生過一種名叫“蛇纏腰”個皮膚病，每個禮拜儕要去楊浦區(qū)第尼軍醫(yī)大學(xué)看病，頂起碼要看一個號頭左右，有趟仔看病邪氣快，毛病看好還有老長辰光，家父就講帶吾去乘55路公交車到老城隍廟（豫園）白相，還購買有五顏六色交關(guān)多個玻璃彈子，花費有兩三塊銅鈿，心里面覺著交關(guān)幸福哩！
? ? ? ? 行文至此擱筆結(jié)束，因為吾搭那些土生土長個上海人一色似樣個，也同樣擁有老城隍廟（豫園）個情愫，從小到大，搭爺娘及友人也是去N趟老城隍廟（豫園），絕對是一個繞覅開個話題啊，所以就去撰寫心目中個老城隍廟（豫園）、自家所曉得個老城隍廟（豫園）……
? ? 【備注：①：文章為作者原創(chuàng)；②：各種上海老城隍廟（豫園）圖片、擺渡船圖片、南京東路步行街圖片、上海美食圖片以及玻璃彈子圖片儕是唻源于網(wǎng)絡(luò)上頭，最后兩張圖片乃是作者去翻拍自家個照片；③：萬分感謝原創(chuàng)圖片?！?/p>
? ? ? ? 杜老倌俠客居（陸偉）寫于2019年10月17日禮拜四夜里向
