? ?廣州話嘅“噏”字，除咗作為動作嘅之外，主要作為“講”字意思嘅貶義運用，如周街都聽倒嘅“亂噏廿四”，“亂噏英語”。
? ?一個“噏”字可以“噏”出四句廣州歇后語，唔信？且由我一一道來。
? ?第一句系：山草藥——噏得就噏。廣州人以前跌打扭傷鐘意用山草藥，有時趕時間，揾倒幾味主要嘅草藥唔理齊全與否就照噏落去。咁往往就會以偏蓋全，唔夠準(zhǔn)確甚至捕風(fēng)捉影。所以呢句歇后語運用時經(jīng)常加個“米”字，如聽到人話你加咗工資實際上又冇咁事，你就會講：你米山草藥——噏得就噏啦！
? ?第二句：秀水大頭菜——系又噏，唔系又噏。原來南海秀水區(qū)地專產(chǎn)優(yōu)質(zhì)大頭蔥菜，喺菜地收割后就全部摞去噏（腌制），噏完揀好的留低賣，唔合格嘅拋棄。呢種唔理三七廿十一一于噏咗先算嘅做法就好似啲三姑六婆加油添醋甚至無中生有，用呢句歇后語形容佢哋就最恰當(dāng)不過嘞。
? ?第三句就少聽啲：阿均賣魚頭——好噏唔噏（。不過系有典故啵。話說從前有個賣魚佬叫阿均，專賣新鮮魚頭，稱俾顧客時魚嘴仲會噏噏下，生意好到不得了。有日阿均照常劏條新鮮魚，招呼顧客過嚟買，點知顧客望嚟望去居然話唔見魚嘴噏噏，阿均睇下又的確如此，唔知咩嘢事。個客埋怨幾句走咗無幾耐，個魚頭竟然又識噏噏嘴，阿均激到一把火：有客唔噏，冇客噏，你真系好噏唔噏！從此，呢句歇后語就流傳落嚟，逐漸摞嚟諷刺啲該做唔做或者唔睇場合、唔合時宜亂嚟一通嘅話語。
? ?第四句系本人根據(jù)坊間流傳嘅二叔公故事（詳見本報3月18日《經(jīng)典二叔公》）而作：二叔公自稱老大——亂噏嘢。二叔公排行第二是無法改變嘅事實，二叔公自稱老大唔系亂噏嘢又系咩嘢？
? ?不過，但愿我呢篇嘢，唔系山草藥同大頭菜，又唔系阿均賣魚頭，更加唔系二叔公自稱老大。你話呢？
